Како пред војна: Германското министерство за внатрешни апелира граѓаните да направат залихи на храна и лекови

Предупредување на германското Министерство: Направете залихи на храна и лекови

Германската министерка за внатрешни работи Ненси Фезер им препорача на Германците за секој случај да подготват залихи со храна и лекови дома.

„Ако струјата ja снема долго време или секојдневниот живот е ограничен на некој друг начин, би било мудро да имате итни резерви на храна дома“, рече Фезер за Handelsblatt.

Државните мерки за цивилна одбрана не треба да вклучуваат само „технички прашања“, туку и „залихи на храна, лекови и медицински материјали“, нагласи министерот.

Агенцијата за заштита на населението направи листа на производи по потрошувачка на едно лице за десет дена.

На списокот има 20 литри вода, 3,5 килограми житарки, леб, тестенини, ориз и компири, 4 килограми зеленчук и мешунки, 2,5 килограми овошје и јаткасти плодови, 2,6 литри млеко и млечни производи.

Дополнително, треба да се остават 1,5 килограми месо, риба, јајца или јајца во прав, 357 грама маснотии и масло и други производи по ваш вкус, како мед или чоколадо, а неопходни се залихи на лекови во домашната прва помош.

Share on Facebook

Tweet

Follow us

Save