КАЛЕНДАР НА МПЦ: Денеска е Св. маченик Никита

Според календарот на МПЦ (Јулијанскиот календар) денеска е 15 септември.

Денеска е Св. маченик Никита.

Свети Никита по потекло беше Гот. Во негово време готскиот кнез Атанарик започна гонење на христијаните во својата област. Меѓу оние што не сакаа да се откажат од Христа се најде и овој свет маченик. Беше фрлен во оган и на тој начин погубен, но Бог така устрои неговите мошти сепак да останат цели. А нив ги зеде другарот на Никита, Маријан, и ги пренесе од готската земја (Влашка и Бесарабија) во областа Киликија во Мала Азија, во градот Мопсуест. Тука неговите чудотворни мошти беа положени во црквата подигната во негов спомен. А пострада и се прослави овој чудесен маченик во 375 година.

ОД КАТОЛИЧКИОТ КАЛЕНДАР: Денеска е Св. Вачеслав.

Роден е во Чешка во 907 година. Во 925 година станал крал. Ја ширел христијанската вера и им помагал на сиромашните. Изградил многу цркви. Поради желбата за владеење, неговиот брат Болеслав во 935 година го издал на разбојниците, а тие го убиле. Свети Вачеслав е главен заштитник на Чешка.

Share on Facebook

Tweet

Follow us

Save