Калин Ивановски напредуваше 18 места и се врати на најдобриот пласман во кариерата

Првиот македонски рекет Калин Ивановски оствари скок од 18 места на најновата ранг-листа објавена денеска.

Тоа е награда за настапот во Јокохама каде успешно ги мина квалификациите и првото коло, а беше елиминиран од Лука Нарди во вториот круг. За тоа заработи 10 бода и направи голем прогрес на листата.

Сега тој е повторно на 305. позиција што е негов најдобар ранкинг во кариерата и на кој беше пред точно еден месец. Ивановски ја продолжува турнејата низ Јапонија и во моментов учествува на Челинџерот во Јокаичи.

Најдобрата македонска тенисерка Лина Ѓорческа доживеа пад од 19 позиции на најновата ВТА листа и сега е на 197. место.

Share on Facebook

Tweet

Follow us

Save