INFOMAX.MK

Зградата во која се сместени три српски училишта во Косовска Каменица била каменувана синоќа околу 21 часот, извести денеска Канцеларијата за Косово и Метохија.

Во истата зграда се сместени и основното училиште „Десанка Максимовиќ“, средното техничко училиште и гимназијата.

Во моментот на инцидентот, нагласуваат од Управата, во зградата немало ученици.

Сепак, нападот на зградата, како што рекоа, ги вознемири родителите на учениците кои посетуваат тамошни училишта.

Очевидци им кажале дека оваа зграда била каменувана од млади Албанци, кои наводно закачиле знамиња со „несоодветна содржина“ на училишната ограда претходната вечер.

„Запаливите антисрпски изјави на косовскиот премиер Албин Курти создаваат атмосфера во која е легитимно да се напаѓаат Србите. Ваквиот бран на насилство, кој го генерираат и иницираат властите во Приштина, се пренесува и на помладите генерации. Со тоа се создава атмосфера во која дури е пожелно и погодно да се напаѓаат Србите и да се каменуваат, и дека никој нема да одговара за тоа“, велат од Канцеларијата за Косово и Метохија.

Тие ја повикаа меѓународната заедница да не биде само „тивок набљудувач во клима на зголемени етнички мотивирани напади“:

„Наместо јасно и јавно да се определува според таквите постапки и да ги штити Србите на кои им е должен според нивниот мандат.

За повеќе детали за овој инцидент косовскиот портал побарал од косовската полиција. Но, одговор не добивме до објавувањето на оваа вест.