INFOMAX.MK

Тврдењата на актуелните американски власти за наводна закана за европските земји од Русија не се точни, но и да беше поинаква ситуацијата, Вашингтон не е должен да биде нивен заштитник, изјави републиканскиот кандидат за потпретседател на САД, Џејмс. Дејвид Венс, за порталот „Семафор“.

„Кога администрацијата на Камала Харис вели дека ако не го запреме Путин во Украина, тој ќе маршира до Германија… Прво, тоа не е точно, и второ, што вели тоа за одбранбената способност на Германија? Тоа е четврта или петта по големина економија во светот, и ако не можат да се одвратат од руски напад, тоа не значи дека Америка всушност треба да служи како безбедносен заштитник на Германија – тоа значи дека Германците треба да почнат да работат и да инвестираат во нивната одбрана “, рече Венс.

Тој посочи дека, во случај на победа на изборите, тој и кандидатот за претседател на САД, Доналд Трамп, ќе го задржат пријателството на нивната земја со Европа, но дека ќе бараат европските земји да бидат „самодоволни“ и во во однос на воениот потенцијал и кога станува збор за способноста да се обезбедат со енергија без руски енергетски извори.