Американската амбасада во Скопје ја прослави 249-годишнината од независноста на САД
Во Амбасадата на Соединетите Американски Држави во Северна Македонија вечерва со свечен прием беше одбележан 4-ти јули – Денот на американската независност.
Пред бројни гости, партнери и пријатели на САД, амбасадорката Анџела Агелер упати пораки за слобода, партнерство и заедничка иднина. Таа истакна дека, иако во овој дел од светот 249 години не се сметаат за многу, тоа за САД е доказ за една млада, но енергична и силна нација изградена врз темелите на слободата, самоуправувањето и заштитата на основните права.
– Стремежот кон посовршен сојуз ја повикува секоја генерација да се издигне, да се стреми кон повеќе и да гради иднина достојна на тие вредности, без разлика на предизвиците и кризите – порача Агелер.
Во својот говор таа потсети дека оваа година се одбележуваат и 30 години дипломатски односи и пријателство помеѓу Соединетите Американски Држави и Република Северна Македонија.
Свеченоста ја збогати присуството на премиерот Христијан Мицкоски, министерот за внатрешни работи Панче Тошковски, гувернерот на Народната банка Трајко Славески, како и други високи претставници од Владата, дипломатскиот кор и граѓанскиот сектор.
ПОВРЗАНИ ВЕСТИ
САД се подготвуваат за распоредување меѓународни сили…
Американските воени подготовки се во тек во…
Ердоган разговараше со Трамп: Турција ќе продолжи…
Турскиот претседател Реџеп Таип Ердоган во телефонски…
Блумберг: САД и Иран се приближуваат до…
САД и Иран се приближуваат до можен…
Трамп, Путин и Си Џинпинг на иста…
Кина потврди дека се водат разговори за…
Маж уапсен со оружје во близина на…
Американската Тајна служба уапси маж во близина…