Каракамишева: Наместо да играат византиски игри, историчарите од мешовитата комисија да кажат со што Бугарите заслужиле да влезат во Уставот

Наместо да играат византиски игри, членовите на мешовитата македонско-бугарска комисија нека кажат со што Бугарите заслужиле да влезат во Уставот, пишува на Фејсбук професорката по уставно право, Тања Каракамишева.

– Уставот на една земја го отсликува, го обликува нејзиниот национален и уставен идентитет.

Кој сегмент, кој етникум, ќе влезе во Уставот и во уставниот идентитет како конститутивен елемент не е прашање на политичка трговија или на политички рулет, туку е прашање на длабок и долг историски континуум на етникумот, негова вграденост во темелите на државноста на конкретната земја!

Македонските и Бугарските историчари во Комисијата наместо да играат Византиски игри треба да одговорат на прашањето дали и од кога Бугарите имаат свој длабок и долг позитивен историски континуум во градењето и оформувањето на македонската држава? – напиша Каракамишева на Фејсбук.

Share on Facebook

Tweet

Follow us

Save