Кацарска: Граѓаните побрзо ќе дојдат до правда со воведување уставна тужба

t

Претседателката на Уставниот суд Добрила Кацарска на денешниот работен состанок со претседателите на државата, Собранието и на Владата, Стево Пендаровски, Талат Џафери и Димитар Ковачевски го отворила прашањето за воведување уставна тужба, за што побарала поддршка, откако Судот ќе биде комплетен и избран потребниот број уставни судии.

– Со воведувањето уставна тужба ќе се отвори можноста граѓаните побрзо да дојдат до правда, наместо со години да чекаат одлуки од Европскиот суд за човекови права и да не се изложуваат со големи трошоци пред судот во Стразбур, изјави Кацарска.

Уставната тужба, посочи таа, е можна само со промена на Уставот и проширување на членот 110, алинеја три со сите слободи и права, затоа што сега се ограничени и може да бараат заштита на слободите и правата на човекот и граѓанинот кои што се однесуваат на слободата на уверување, јавното изразување на мислата, политичкото дејствување и здружување и забрана на дискриминација по пол, раса, верска, национална, социјална и политичка припадност.

– Уставниот суд, судиите и јас како претседател на Уставниот суд, сме силни поддржувачи на воведување на уставна тужба. Тоа може единствено да се реши преку отворање на Уставот, со проширување на надлежностите на Уставниот суд. Убедена сум, дека сите политички партии, сите претставници во Парламентот ќе ја поддржат ова идеја, затоа што ова ќе биде првпат да се отвори уставот за прашања кои што ги засегаат буквално сите граѓани, без оглед на пол, национална, верска, политичка припадност. Тоа е позитивно за сите граѓани и верувам дека тука ќе има консензус помеѓу сите, изјави Кацарска.

ПОВРЗАНИ ВЕСТИ

Монструозно: Таткото на Вања направи ЛАЈК со…

Таткото на Вања попладнево e донесен во…

(Видео) Американски топ дипломат го уништи Христијан…

Заменикот на државниот секретар на САД, О'Брајан…

Судот на ЕУ ја одобри забраната за…

Владините канцеларии можат да забранат верско облекување,…

Зеќири се расплака во завршните зборови на…

Во завршните зборови на судењето против поранешниот…

Ковачевски: ДПМНЕ го кочи европскиот пат на…

Одговорноста има име и презиме, тоа е…