Кина, Канада и Мексико го враќаат ударот за тарифите на Трамп!

Откако стана јасно дека американскиот претседател Доналд Трамп воведува царина од 25% за сите стоки од Канада и Мексико, а за Кина царините се зголемуваат на 20%, погодените земји возвратија.

Канада воведе царини од 25 отсто на американски стоки во вредност од 155 милијарди долари. Премиерот Џастин Трудо рече дека Канада ќе таргетира производи во вредност од 30 милијарди долари веднаш и производи во вредност од 125 милијарди долари во следните 21 ден. Сите нови царини наметнати од Канада ќе бидат на сила додека се во сила американските тарифи, рече Трудо.

Би-Би-Си пишува дека друг начин на кој Канада може да возврати на САД е со ограничување на пристапот до енергија. Канада е најголемиот американски странски снабдувач на сурова нафта. 61% од нафтата увезена во САД помеѓу јануари и ноември минатата година дојде од Канада.

Кинеското Министерство за финансии објави царина од 15 отсто за увоз на одредени земјоделски производи од САД, вклучувајќи пилешко, пченица, пченка и памук. Земјата наметнува царина од 10% за други производи како што се соја, свинско, говедско месо, овошје, зеленчук и млечни производи.

Овие мерки ќе стапат на сила од 10 март.

Кинеското Министерство за трговија, исто така, додаде 10 американски фирми на „списокот на недоверливи ентитети“ и 15 американски компании на списокот за контрола на извозот, кој стапува на сила од денес. Пекинг ја издвои американската биотехнолошка компанија Illuminia, велејќи дека компанијата презела „дискриминаторски мерки против кинеските фирми“.

Меѓу 15-те субјекти додадени на листата за контрола на извозот на Кина се компании од секторите на авијација, поморско инженерство и вештачка интелигенција.

Додека Канада и Кина се заканија дека ќе возвратат на САД, Мексико ќе ги објави своите мерки во вторник.

Мексиканската претседателка Клаудија Шејнбаум во понеделникот рече дека нејзината земја направила планови за вонредни ситуации. „Во оваа ситуација ни треба смиреност, смиреност и трпение. Имаме план А, план Б, план Ц, па дури и план Д“, потврди таа.

Шајнбаум додаде дека ќе зборува повеќе за одговорот на Мексико во вторник.

Share on Facebook

Tweet

Follow us

Save