Кина ја предупреди Полска “да не се меша кадешто не ѝ е местото”

Кинеската амбасада во Варшава денеска одговори на изјавата на полскиот премиер Матеуш Моравјецки дека Кина ќе го нападне Тајван доколку Украина ја загуби војната против Русија, велејќи дека се работи за политичка манипулација.

„На 13 април, полски владин функционер отворено ги спореди прашањата на Тајван и Украина и изнесе неосновано тврдење дека ако Украина ја загуби војната, копното Кина ќе го нападне Тајван следниот ден“, се вели во соопштението.

Се додава дека секој обид да се поврзе прашањето на Украина со ситуацијата во Тајван е политичка манипулација со скриени мотиви зад себе.

„Тоа е безумно газење на принципите на националниот суверенитет и територијален интегритет и флагрантно мешање во внатрешните работи на Кина“, соопшти кинеската амбасада, пренесе Ројтерс, пренесе Танјуг.

Моравјецки претходно изјави дека поразот од Украина може да претставува почеток на крајот на „златното доба“ на Западот.

„Ако ја изгубиме Украина, тогаш ќе бидеме без мир во следните децении. Неуспехот во Украина може да биде почеток на крајот на златното доба на Западот“, рече Моравјецки за време на неговата посета на САД.

Share on Facebook

Tweet

Follow us

Save