Кинеските воздухопловни сили: Ако треба ќе го опколиме Тајван со борбени авиони!

Кинеските воздухопловни сили ќе го опкружат Тајван со борбени авиони доколку е потребно за „да се зачува националниот суверенитет и територијалниот интегритет“, изјави портпаролот на кинеското воздухопловство.

Претседателката на Претставничкиот дом на САД, Ненси Пелоси, заминува во регионот, но се уште не е јасно дали ќе ја продолжи контроверзната посета на Тајван, на која Пекинг остро се противи. Од последното соопштение на Пелоси, каде вели дека предводи делегација која ќе го посети Индо-пацфикот, не е јасно дали сепак ќе се одлучи и за посета на Тајван.

Говорејќи на воено воздухопловно шоу денес, портпаролот на воздухопловните сили Шен Џинке рече дека Кина има многу видови авиони способни да го обиколат „овој скапоцен остров на нашата татковина“.

Кинеските воздухопловни сили „имаат цврста волја, целосна доверба и доволна способност да го бранат националниот суверенитет и територијалниот интегритет“, додаде Шен.

Неговите изјави уследија додека претседателката на Претставничкиот дом на САД, Ненси Пелоси, отпатува за Азија, објавувајќи денеска дека ќе застане во Сингапур, Малезија, Јужна Кореја и Јапонија на „состаноци на високо ниво“. Пелоси планираше да го посети Тајван за време на ова патување, но не потврди или негираше дали ќе може да го реализира овој план.

Пекинг смета дека Тајван, управуван од посебна влада од доцните 1940-ти, е дел од нејзината територија и се противи на високото дипломатско признавање на властите на островот. Вашингтон официјално го признава, но не го поддржува суверенитетот на Пекинг над островот.

Ако Пелоси го посети Тајван, таа ќе биде првиот претседател на Претставничкиот дом што ќе го стори тоа откако Њут Гингрич го посети островот во 1997 година.

Во телефонскиот разговор со Бајден во четвртокот, кинескиот претседател Си Џинпинг го предупреди американскиот лидер да не „игра со оган“, предупредувајќи го дека посетата на Пелоси ќе се смета за предизвик за националниот суверенитет и територијален интегритет на земјата. Самиот Бајден минатата недела рече дека нејзината посета нема да биде „добра идеја“, но тој директно не ја советуваше да не оди.

Share on Facebook

Tweet

Follow us

Save