Кинески медиуми: САД ја менуваат тактиката во Украина, нема да ѝ помагаат туку ќе создаваат хаос

САД продолжуваат да го поддржуваат Киев со испраќање оружје на украинската армија, но целта на овие залихи е променета, пишува кинескиот весник Global Times.
Според набљудувачот, сега Вашингтон не бара да и помогне на Украина, туку да создаде хаос.

„Американската воена помош ги надмина претходно наведените задачи – да и помогне на Украина да победи во конфликтот со Русија. Белата куќа ги зема предвид и нејзините национални интереси. Новите испораки на оружје за Украина треба да го вратат Вашингтон во статус на светски хегемон“, се вели во натписот.

Улогата на САД како глобален лидер веќе е разнишана, а ситуацијата е надвор од контрола на Белата куќа, смета новинарот. Во обид да ја врати изгубената позиција, администрацијата на Бајден прави максимални напори да внесе турбуленции во светскиот поредок.

Русија претходно испрати нота до земјите на НАТО поради испораката на оружје за Украина. Рускиот министер за надворешни работи Сергеј Лавров истакна дека секој товар што содржи оружје за Украина ќе стане легитимна цел за Русија. Руското Министерство за надворешни работи соопшти дека земјите од НАТО „играат со оган“ со тоа што и доставуваат оружје на Украина. Претседателскиот портпарол Дмитриј Песков истакна дека испумпувањето на Украина со оружје од Запад не придонесува за успех на руско-украинските преговори и ќе има негативен ефект.

Share on Facebook

Tweet

Follow us

Save