Ковачевски: Во мојот втор мандат како премиер, ќе работиме да дојдеме до над 1.000 евра просечна плата

Во мојот втор мандат како премиер, ќе работиме да дојдеме до над 1.000 евра просечна плата и минимална плата од 600 евра, и ова ве уверувам дека со правилни политики е достижно, изјави претседателот на СДСМ, Димитар Ковачевски синоќа во Штип во обраќањето при отворањето промотивен штаб на СДСМ.

„Со напорна работа, нема недостижна цел. Никој не веруваше дека 500 евра просечна плата до 2024та година е можно и остварливо. Но како што знаете, тоа ветување СДСМ предвремено го исполни. Денес просечната плата изнесува 650 евра. Така ќе биде и овој пат“, наведе Ковачевски.

„Направивме долгорочна системска промена и за покачување на пензиите, просечната пензија денес е за 6.400 денари поголема во однос на 2016 година а минималната пензија за речиси 50% повисока. СДСМ овозможи пензионерите во просек да добиваат 6.000 денари повеќе“, додаде тој.

Порача дека СДСМ и понатаму ќе се бори за Македонија да биде успешна држава во која „секој наш граѓанин ќе има достоинствен живот од својата заработена плата, држава во која младите ќе добијат квалитетно образовани, држава во која здравствената заштита ќе биде на највисоко ниво, во која секој граѓанин ќе биде почитуван, ќе живее во демократија, во држава во која законите важат подеднакво за сите“.

Share on Facebook

Tweet

Follow us

Save