Ковачевски им го честиташе на новинарите изборот на претседател и раководство на ЗНМ

Премиерот Димитар Ковачевски денеска им го честиташе на новинарите изборот на претседател и раководство на Здружението на новинари на Македонија (ЗНМ), кои беа избрани викендов.

– На новинарите Ви честитам на изборот на претседател и раководство на ЗНМ којшто се случи викендот и Ви посакувам да Ви се остварат сите програмски определби кои ги имате разговарано, рече Ковачевски, на почетокот на денешната прес-конференција во Владата.

Во саботата, на Годишното собрание на ЗНМ, Младен Чадиковски беше реизбран за претседател на Здружението, а беа избрани и членови на Управниот и Надзорниот одбор, како и членови на Советот на честа. За членови на Управен одбор, меѓудругото, беа избрани и двајца медиумски работници од Медиумска информативна агенција (МИА).

Share on Facebook

Tweet

Follow us

Save