Ковачевски: Цело ВМРО-ДПМНЕ треба да ги поддржи уставните измени, не може граѓаните да бидат заложник на политичката кариера на еден човек

Сметам дека цело ВМРО-ДПМНЕ треба да го поддржи европскиот пат на државата, вели во денешното гостување во Само Интервју премиерот Димитар Ковачевски.

-Секогаш најгласни за европските интеграции на државие кои влегле во ЕУ, биле десните демохристијански партии. Обврска на секој пратеник е да обезбеди европска иднина на граѓаните. Јас сум рационален оптимист, верувам во остварување на целта но работам таа цел да се оствари, тоа сепак зависи од сите пратеници во Собранието.

Не може граѓаните да бидат заложник на политичката кариера на еден човек.

Процедурата е веќе започната, Владата ќе биде подносител на предлогот до Собранието. Групата за уставни измени веќе одржа конститутивна седница и не се мешам во нивната работа бидејќи се навистина експерти.

Во ова имаме силна поддршка и од САД и од ЕУ, нагласи Ковачевски.

Share on Facebook

Tweet

Follow us

Save