Кога ќе биде сфатено сериозно сѐ што лета се јаде: Тенџере со шпагети леташе низ балкон во Капиштец

Луѓето кои поминуваа крај зградата „Рузвелтова“ бр. 2 во населба Капиштец и за малку ќе беа погодени со шпагети.

Некој од станарите во таа зграда, со балкон кој гледа кон паркчето зад зградата си го користи како контејнер и така реши да се ослободи од вишокот на шпагети. Луѓето кои седеа на клупите беа шокирани од несовесниот станар, кој откако си го фрли „ѓубрето“ си се прибра дома.

Во приземјето има ресторан и други претпријатија, што значи дека пред зградата често е прометно и само среќа им служело да таа порција шпагети не заврши над главата на некој слулаен минувач.

Како што велат други сведоци често се случувало да биде фрлено табла јајца, отпушоци од цигари, коски и други нешта.

-Веднаш после Велигден мене пред нозе ми падна цела табла со јајца, за малку ќе ме погодеше, рече една минувачка.

Оние кои се најдоа на ова место кога несовесниот станар реши да се ослободи од јадењето коментираа: „Кој вели дека во Капиштец живеат само граѓани?“, „Им се смеат на тие од село, а тие се поголеми граѓани од сељациве во Капиштер“, „Простаци“… се само дел од коментарите на граѓаните кои минуваат крај зградава или се релаксираат во паркчето со страв дека порција оброк ќе заврши над нивната глава.

Share on Facebook

Tweet

Follow us

Save