Кои се најголемите пивопијци во регионот? Еве на кое место се Македонците!

На страницата на Инстаграм Geographical Corner беше споделена интересна мапа која покажува кои всушност се најголемите пивопијци во регионот.

Страницата Географски кутак секојдневно споделува интересни податоци и инфографици поврзани со географски податоци поврзани со земјите од светот и регионот.

Меѓу последните објави на оваа страница, тие на мапа претставија кои се најголемите пивопијци во регионот, пренесува Klix.ba.

На картата е прикажан бројот на потрошени литри пиво по глава на жител годишно, а на прво место меѓу земјите од поранешна Југославија е Хрватска, каде годишно се трошат 72,1 литри пиво по жител.

На второ место е Словенија, каде во просек се пијат 69,7 литри годишно по жител. Следна е Црна Гора со 67,4 литри во просек.

На четврто место е Босна и Херцеговина со 63,7 литри по жител. Србија е претпоследна со 62,2 литри по жител, а убедливо најмалку пиво во регионот пијат Македонците кои просечно пијат само 33,5 литри годишно.

Share on Facebook

Tweet

Follow us

Save