Комитите се секогаш први за помош: Иако фудбалскиот натпревар се одложи, донираа средства за член на Чкембари кој остана без својот дом!

И покрај големото ривалство со децении, Комити ги тргнаа фудбалот и навивањето на страна и направија убав човечки гест за пример.

Комити најавија дека целиот приход кој ќе го соберат од мечот против Силекс, ќе го донираат за навивачот на Пелистер кој во пожар остана без својата куќа.

Но и покрај одложувањето на натпреварот поради лошите временски услови, тие сепак издвоија пари и ги донираа, а упатија и апел до сите да се приклучат на акцијата.

Ова е прекрасен гест на Комити, уште повеќе ако се знае дека сами го носат на грб Вардар, кој е во тешка финансиска криза и многу институции, компании и бизнисмени го игнорираат.

За сега нема помош за битолскиот навивач од други навивачки групи, освен се разбира од самите Чкембари кои веднаш се организираа меѓу себе за да помогнат и на мечот против Башкими поставија кутии за донации.

https://www.facebook.com/KomitiZapad87/posts/738844714943624?ref=embed_post

Share on Facebook

Tweet

Follow us

Save