,,Комити”: Благодарност до Градот Скопје, бидејќи ја препозна и ја стимулира убавата енергија

Соопштение од Комитите:

Благодарност до Градот Скопје, бидејќи ја препозна и ја стимулира убавата енергија, која се генерира во градот и општеството преку ФК Вардар веќе подолго време.

Градот е тој кој во моментов дава логистичка поддршка, и градот е тој кој ни овозможува малку да здивнеме, преку поддршката за реализација на овие припреми во Златибор.

Очекуваме таму, далеку од сите бури и случувања околу клубот, да се пронајдат себеси, сопствениот мир и хармонија, да се креира неопходната хемија, која понатаму ќе придонесе сите тие да го дадат максимумот на теренот, и достојно да не исправат пред предизвиците со кои ќе се соочуваме.

Повик до општините, овојпат тие да го следат примерот на градот, како што градот го следеше нивниот пример предходно. Активирајте се, сега е време за тоа !

Можеби во општеството се создаде слика дека се срушени многу мостови, а сепак останува еден огромен нескршлив мост, кој продолжува да ги поврзува населбите, општините и скопјани, симбол кој продолжува да ја сплотува Македонија. Тој монументален симбол, гордоста на градот и татковината со име – Вардар, е изграден, негуван, и сакан токму од народот. Затоа се должни сите да го почитуваат.

Вардар е Македонија !
Па токму затоа никој не може да биде над Вардар !

Share on Facebook

Tweet

Follow us

Save