„Комити“ во акција за Вардар: За 24 часа собрaни преку 500.000 денари!

Навивачката група „Комити“ информира дека за 24 часа успеале да соберат 500.000 денари од акцијата „Купи сезонски билет за 1.000 денари“, која се организира со цел да соберат пари за нормално функционирање на Вардар.

Најтрофејниот македонски фудбалски клуб има сериозни финансиски проблеми поради претходните газди на тимот, а навивачите се обидуваат да го спасат клубот.

– Денот го започнуваме со одлична вест. За нешто повеќе од 24 часа, собрани се повеќе од 500.000 денари, од акцијата за продажба на членски карти. Радува фактот што, сè поголем број на навивачи, ја препознаваат важноста на акцијата и моментот. Купи членска карта, и не дозволувај твоето место на стадионот, да остане празно, соопштија од клубот.

– Сезонски билети можат да се набават ТУКА.

Share on Facebook

Tweet

Follow us

Save