Конечно Кевин Мекарти избран за шеф на Претставничкиот дом на американскиот Конгрес

Републиканецот Кевин Мекарти конечно беше избран за претседател на Претставничкиот дом на САД. Од дадените 428 гласови, Мекарти доби 216, а демократот Хаким Џефрис 212.

Американскиот претседател Џо Бајден, кој инаку е демократ, му честиташе на републиканскиот претседател на Конгресот. Републиканците ветија дека ќе започнат истраги за Бајден, неговата администрација и работите на неговото семејство, пишува Би-Би-Си.

„Американскиот народ очекува нивните лидери да владеат на начин што ги става нивните потреби над сè друго, и тоа е она што ние мора да го направиме сега“, рече Бајден во изјавата.

По конечните избори за претседател, Мекарти му порача на демократскиот лидер Хаким Џефрис дека нивните политички разлики можеби се страсни, но никогаш нема да бидат лични.

„Татко ми секогаш ми велеше дека не е важно како ќе почнеш, туку како ќе завршиш. И сега мораме да завршиме силно за американскиот народ“, рече Мекарти.

Share on Facebook

Tweet

Follow us

Save