Контрапротести на приврзаници на Вучиќ се најавени и за денеска во „100 српски градови“

Власта на српскиот претседател Александар Вучиќ и денеска организира контрапротести кои ги најави во „100 градови“. Како што е најавено, приврзаниците на владејачката Српска напредна партија „кои се против блокадите“ мирно ќе протестираат бидејќи „сакаат да се врати нормалниот живот во државата“, обвинувајќи ги студентите и граѓаните кои протестираат против власта дека тоа го оневозможуваат веќе десет месеци.

Српскиот претседател Александар Вучиќ најави дека ќе биде со граѓаните на тој собир организиран од граѓаните против блокадите.

-Ќе учествувам… Таму нема да има полиција. И никој нема да ги нападне, изјави вчера Вучиќ.

Овие мирни собири, како што рече лидерот на СНС, поранешен премиер и актуелен „советник за регионални прашања“ на Вучиќ, Милош Вучевиќ, се „одговор на граѓаните на Србија на тоа што се случувало во изминатите месеци“.

Секојдневните собири на приврзаниците на Вучиќ почнаа пред две недели.

Share on Facebook

Tweet

Follow us

Save