Косово бара Србија да ги повлече војниците од границата

Владата во Приштина доцна во саботата ги повика властите на соседна Србија да ги повлечат своите воени трупи од граничната линија со Косово.

„Владата на Република Косово внимателно и будно ги следи последните случувања во врска со движењето на воените единици на Вооружените сили на Србија во правец на граничната линија со Косово и е во постојан контакт со САД и земјите од ЕУ во врска со оваа сериозна закана од Србија“, соопшти Владата на Косово.

Движењето на српските војници долж границата со Косово доаѓа околу една недела по нападот врз косовската полиција на 24 септември во селото Бањска во општина Звечан, кога беше убиен полицаецот Африм Буњаку.

Share on Facebook

Tweet

Follow us

Save