Косово е определено за мир и стабилност, нагласи Османи

Косовската претседателка Вјоса Османи денеска ги прими акредитивните писма на новиот нерезидентен амбасадор на Австралија во Косово, Ричардс Роџерс и по тој повод изрази надеж дека за време на неговиот мандат билатералните односи меѓу Австралија и Косово дополнително ќе се интензивираат, пренесува Газета експрес.
Како што се наведува во соопштението на Претседателството, во врска со актуелните настани на северот, Османи на средбата истакнал дека Косово е посветено на мирот и стабилноста во регионот и Европа.

„Османи зборуваше за важноста на соработката меѓу демократските и мирољубивите држави за спротивставување на континуираните напори на злонамерните недемократски сили“, се вели во соопштението.

Се додава дека Османи ѝ се заблагодарила на Австралија за непоколебливата поддршка на Косово низ годините и ја истакнала важноста од континуирана поддршка на патот кон членството на Косово во меѓународните организации и зајакнувањето на нејзината меѓународна позиција.

Share on Facebook

Tweet

Follow us

Save