Косовската бизнис алијанса предупредува: Косово може да изгуби 500 милиони евра до крајот на годината поради мерките од ЕУ

Косовската бизнис алијанса денеска предупреди дека поради мерките усвоени од Европската унија бидејќи приштинските власти одбиваат да ги исполнат барањата за деескалација на северот, Косово може да загуби над 500 милиони евра до крајот на годината.
Бизнис Алијансата (АКБ) предупреди дека мерките на ЕУ се штетни за Косово економски, дипломатски и политички. Овие мерки ги оценија како најсериозни од 2008 година.

„На 29 јуни АКБ предупреди колку се сериозни овие мерки, бидејќи сериозно ќе ја оштетат економијата со ограничување на средствата од ИПА фондовите, програмите на Европската комисија, како и со суспендирање на Спогодбата за стабилизација и асоцијација и суспендирање на сите билатерални средби со ЕУ Владата мора да сфати кога се во прашање односите со ЕУ и САД“, се наведува во соопштението на Бизнис Алијансата.

Според АКБ, каде што има санкции, нема странски инвестиции, а тоа ќе влијае на намалување на економскиот раст и губење на добриот имиџ на Косово.

„Доколку продолжи вака, до крајот на годината Косово може да загуби повеќе од 500 милиони евра, поддршката за извозот одобрена од ЕУ, а не се исклучува можноста за одложување на рокот за почеток на визната либерализација за Косово соопшти здружението.

Share on Facebook

Tweet

Follow us

Save