INFOMAX.MK

Министерот за внатрешни работи на Косово Џелал Свечља порача дека мора да се отстранат барикадите на северот на Косово.

„Игрите на Вучиќ продолжуваат. Прво рекоа дека има конфликт во Зубин Поток инициран од косовската полиција. Кога сфатија дека го нападнале КФОР, сакаат да ги негираат сите напади. Барикадите мора да се отстранат. Србија мора да престане да организира нелегални криминалци структури кои имаат за цел да го дестабилизираат Косово“, рече Свечља во објава на Твитер синоќа околу полноќ.

Games of Vucic continue. First they said that there were clashes in Z. Potok initiated by KP. When they realised that they attacked KFOR, they want to deny all the attacks. Barricades must be removed. 🇷🇸must stop organising illeg.criminal structures that aim to distabilise 🇽🇰
— Xhelal Sveçla (@XSvecla) December 25, 2022

Пред Свечља да ја објави оваа изјава во која тврди дека КФОР бил нападнат, од оваа мисија беше соопштено дека нивната патрола додека била на должност во околината на Зубин Поток слушнала и видела неколку истрели во близина и дека нема повредени или материјална штета. .

Лидерот на Српската листа Горан Ракиќ синоќа изјави дека нема напад на КФОР во Зубин Поток и дека Србите на северот на Косово го почитуваат КФОР.