Косовци од Британија се во притвор за силување девојка во Хрватска

Истражен судија од Жупанискиот суд во Сплит одреди едномесечен притвор за тројца државјани на Велика Британија, од кои двајца се со потекло од Косово, поради сомнение за тешко кривично дело против полова слобода – силување на 28-годишна девојка во еден хотел во хрватскиот град, јавија локалните медиуми.

Според информациите, инцидентот се случил во вторник рано наутро, помеѓу 5 и 7:30 часот, кога жртвата, која претходно ги запознала осомничените на популарната локација „Матејушка“, прифатила да оди со нив во хотелска соба.

Првoобвинетиот ја навредувал и физички ѝ се нафрлил, а потоа ја принудил на полови односи со вториот осомничен, и покрај нејзиниот отпор и жалби на болка. Жртвата давала отпор, а во еден момент успеала да се ослободи и да повика пријател, кој веднаш се јавил во полиција.

Полицијата реагирала брзо и го уапсила еден од осомничените на самото место, а другите двајца биле лоцирани и приведени подоцна.

Сите тројца ја негираат вината и тврдат дека сè се случило без присила. Сепак, судот им одреди притвор поради ризик од бегство. Според хрватскиот Кривичен законик, за ова дело е предвидена затворска казна од шест месеци до десет години.

Share on Facebook

Tweet

Follow us

Save