Кој за што се подготвува? 14 држави сакаат да создадат европски “небесен штит” – Систем за воздушна одбрана на Европа

Министрите за одбрана на 14 земји-членки на НАТО, вклучително и Бугарија, потпишаа писмо со намери за развој на „Европската иницијатива за небесен штит“ како систем за воздушна одбрана.

14-те земји кои го потпишаа ова пусо се: Бугарија, Белгија, Чешка, Естонија, Германија, Унгарија, Латвија, Литванија, Холандија, Норвешка, Словачка, Словенија, Романија, Обединетото Кралство.

Иницијативата предводена од Германија има за цел да создаде европски систем за воздушна и ракетна одбрана преку заедничко купување на опрема, се вели во соопштението објавено на официјалната веб-страница на НАТО.

„Оваа посветеност е уште поважна денес бидејќи сме сведоци на немилосрдните и недискриминирачки ракетни напади на Русија во Украина, убивајќи цивили и уништувајќи ја критичната инфраструктура. Во овој контекст, силно го поздравувам германското лидерство во покренувањето на иницијативата „Европски небесен штит“, рече заменик-генералниот секретар на НАТО.

„Новите системи, целосно интероперабилни и беспрекорно интегрирани во воздушната и ракетната одбрана на НАТО, значително ќе ја подобрат нашата способност да ја браниме Алијансата од сите воздушни и ракетни закани“, додаде тој.

Иницијативата ќе им овозможи на сите земји-учеснички заеднички да развијат систем за противвоздушна одбрана користејќи интероперабилни решенија. Овој мултинационален и мултилатерален пристап нуди флексибилен и скалабилен начин за нациите да го зајакнат своето одвраќање и одбрана на ефикасен и економичен начин.

Share on Facebook

Tweet

Follow us

Save