Кој ја дестабилизира државата, прашува ДУИ

„Во одговор на последните изјави кои ја адресираат ДУИ како фактор на дестабилизација, загрижувачка е леснотијата во користењето на разделувачката реторика и обвинувањата кои во реалноста го удираат мултиетничкиот карактер и еднаквоста во нашата земја“, велат од ДУИ.

„Затоа, поставуваме неколку прашања за да ја осветлиме вистината:

Кој ја дестабилизира државата? Тие што велат “да ја вратиме земјата на Македонците” или тие што го бранат мултиетничкиот карактер и еднаквоста?

Кој ја дестабилизира државата? Тие што ја потиснуваат волјата на над 40% од етничките заедници во мултиетничка земја или тие што промовираат еднаква и функционална демократија?

Кој ја дестабилизира државата? Тие што ја исклучуваат дијаспората од политичките и финансиските пресметки, иако таа дијаспора ја одржува финансиската стабилност на земјата, плаќа даноци и е најголемиот амбасадор на оваа земја?

Кој ја дестабилизира државата? Тие што му наредуваат на Уставниот суд да го отстрани срцето на Охридскиот договор – правото на етничко самоидентификување – или тие што го почитуваат тоа право за сите граѓани?

Кој ја дестабилизира државата? Тие што ги поништуваат механизмите кои интегрираа еден цел народ во институциите на унитарната држава, наместо да создаваат паралелни институции, или тие што градат еднаква држава и општество?

Кој ја дестабилизира државата? Тие што се обидуваат да го избришат и поништат најсветото, албанскиот јазик, или тие што го официјализираа албанскиот јазик во земјата, а македонскиот во Европската унија?

Кој ја дестабилизира државата? Тие што со децении ја блокираа интеграцијата во НАТО или тие што ја интегрираа државата во НАТО? Тие што го блокираа патот кон Европската унија или тие што ги отворија пристапните преговори и го одржаа првиот меѓувладин состанок?

ДУИ останува посветена на заштита на еднаквоста, мултиетничкиот карактер и Охридскиот договор како основа за мирот и стабилноста.

Ги повикуваме сите да размислат за овие прашања и да преземат дејствија кои промовираат единство и еднаквост, наместо поделби кои ја загрозуваат заедничката иднина на сите граѓани во оваа земја“, се наведува во соопштението на ДУИ.

Share on Facebook

Tweet

Follow us

Save