Кој ќе си легне на брашното? Британија притиска: Нормализација на односите меѓу Косово и Србија веднаш!

Велика Британија го поддржува и се приклучува на повикот што ЕУ го упати до Косово и Србија да се ангажираат конструктивно и искрено, без натамошно одлагање, во спроведувањето на преземените обврски и нормализација на состојбата во Косово и односите меѓу двете држави.

Амбасадата на Велика Британија во Приштина соопшти дека стои зад поканата на 27-те земји-членки на ЕУ за Косово и Србија, која претходно денеска беше објавена на веб-страницата на Европскиот совет, а во која високиот претставник на ЕУ за надворешна политика , Жозеп Борел, во име на Унијата, ги повика Србија и Косово да се ангажираат конструктивно и со добра волја, што значи отпочнување со имплементација на договорот врз основа на предлогот на ЕУ без натамошно одлагање и исто така ја вклучува обврската на двете страни целосно да ги исполнат сите досегашни договори постигнати во дијалогот.

„Велика Британија стои зад јасниот повик на 27-те членки на ЕУ до Косово и Србија да се ангажираат конструктивно и искрено без понатамошно одлагање“, се вели во објавата на Амбасадата на Обединетото Кралство во Косово на социјалната мрежа „Х“.

Share on Facebook

Tweet

Follow us

Save