Ко-претседателот на мешовитата историска комисија го прекори Пендаровски: Несериозно е за депортацијата на Евреите да се обвинува Бугарија

Да се ​​префрла несразмерна вина на Бугарија за депортацијата на Евреите од територијата на денешна Република Македонија е несериозно, изјави денеска Ангел Димитров, копретседател на Заедничката мултидисциплинарна и експертска комисија за историски и образовни прашања меѓу Република Бугарија и Република Македонија, како реакција на денешниот говор на претседателот Стево Пендаровски на одбележувањето – 80 години од депортацијата на македонските Евреи во Треблинка.

-Така да се зборува за Бугарија е крајно неприфатливо, дури и неточно од страна на политичар со огромна одговорност, чија цел треба да биде воспоставување добри дипломатски односи меѓу нашите две земји, вели професорот за „БТА“.

-Бугарија е единствената земја во Европа која, од една страна, беше сојузник со нацистичка Германија, но не го исполни нејзиниот притисок и ги спаси сите свои Евреи. Велат 48.000, но нивниот број во тоа време бил многу над 50.000. Освен тоа, над 10.000 Евреи со помош на бугарските дипломатски претставништва во Европа успеале да добијат документи и преку Бугарија да се спасат, додал тој.

-Значи, да се препишува вина на Бугарија е несериозно, бидејќи депортацијата се случи на експресно инсистирање и под контрола на претставници на нацистичка Германија, рекол Димитров.

Тој додал дека „Бугарија во тоа време не ги поседувала тие територии, туку само управувала со нив“.

-Тогаш нема македонска држава, тие се државјани на Југославија, а Југославија не само што ги депортираше своите Евреи, туку се фалеше дека е првата земја што го решила еврејското прашање. На територијата на Србија има концентрациони логори во кои масовно биле истребувани локални Евреи, смета копретседателот на Мешовитата историска комисија.

Пендаровски денеска изјави дека за македонско-бугарското помирување е потребно извинување од Софија за улогата на тогашната профашистичка влада во депортацијата на македонските Евреи. Тој потсети дека никаде во Европа, морбидниот концепт наречен „конечно решение на Еврејското прашање“ не бил поефикасно спроведен отколку во тогашната окупирана Македонија.

Share on Facebook

Tweet

Follow us

Save