Крвава групна пресметка меѓу средношколци во Карпош, момче е прободено со нож

Утринава во близина на хотелот „Карпош“ во Скопје се случила тепачка меѓу две групи средношколци, при што едно лице било повредено со остар предмет, објави „Скопје1“.

Според информациите од Министерството за внатрешни работи, инцидентот започнал со расправија, која брзо ескалирала во тепачка.

Од Градската општа болница „8 Септември“ потврдуваат дека кај нив е примен ученик од Средното училиште за дуално образование „Ѓорѓи Димитров“, кој имал убодна рана нанесена во угостителски објект во општина Карпош.

Полицијата соопшти дека работи на расчистување на случајот, а повеќе детали се очекуваат по завршување на истрагата. Состојбата на повредениот ученик моментално е стабилна, пишува „Скопје1“.

Share on Facebook

Tweet

Follow us

Save