Кремљ го правда или го кара Вучиќ? Ќе издржат без да ни воведат санкции колку што може подолго

Русија целосно го разбира притисокот што Западот го врши врз Белград и напорите што Србија ги прави за да го издржи тој притисок, изјави портпаролот на Кремљ, Дмитриј Песков.

„Совршено го разбираме невидениот притисок на кој е изложено српското раководство од Западот и сосема ни е јасно по која цена и со какви напори српското раководство го издржа тој притисок досега“, рече Песков.

Според „Спутник“, тој одговорил на прашањето „како Кремљ ја сфатил изјавата на претседателот на Србија, Александар Вучиќ, дека не знае колку ќе издржат српските власти без да воведат санкции кон Русија, но дека ќе се обидат да издржат што е можно подолго“.

Песков додаде дека Кремљ високо го цени односот на српското раководство и дека Русија високо ги цени односите со Србија и се надева дека тие ќе се развиваат на нагорна траекторија.

Share on Facebook

Tweet

Follow us

Save