Кремљ: Путин е задоволен по размената на затвореници со Украина

Рускиот претседател Владимир Путин и престолонаследникот на Саудиска Арабија Мохамед бин Салман изразија „задоволство“ по размената на затвореници со Украина, со посредство на Ријад.

Во синоќешниот телефонски разговор, двајцата лидери изразија „задоволство од трансферот на странски воени заробеници во Саудиска Арабија … што беше извршено со лично посредништво на принцот престолонаследник, соопшти Кремљ.

Киев вчера соопшти дека вратил 215 украински и странски борци во размена со Москва, која вратила 55 руски затвореници, вклучувајќи го и поранешниот пратеник Виктор Медведчук, близок помошник на Путин обвинет за велепредавство во Украина.

Десет воени заробеници од повеќе земји, меѓу кои САД, Велика Британија и Хрватска, се префрлени од Русија во Саудиска Арабија во рамки на размената на затвореници Москва-Киев, соопшти вчера саудиското Министерство за надворешни работи.

Share on Facebook

Tweet

Follow us

Save