Крие ли ВМРО-ДПМНЕ незаконско финансирање на партијата?!

СДСМ е најтранспарента партија, објави во својот  изештај Меѓународниот републикански институт ИРИ- „Индекс на транспарентност на политичките партии”, за 2023 година.

Според извештајот, СДСМ е најтранспарентна партија во сите точки со кои се прави истражувањето, во однос на основните информации за партијата, пристап до информации од јавен карактер, финансиска транспарентност и комуникација или отвореност со членството и граѓаните.

Веднаш зад СДСМ се Левица и Алијанса за Албанците, кои се оценети како партии со многу добра активна транспарентност.

ВМРО-ДПМНЕ и ДУИ се оценети со добра активна транспарентност.

Според анализите и извештајот, СДСМ има најдобар резултат на Индексот на транспарентност (2023) во однос на сите останати политички партии.

-СДСМ бележи пораст и при ова мерење на активната транспарентност е оценета со „многу добра активна транспарентност”. Веб-страницата е надградена, добро уредена и содржи голем дел од анализираните информации. На пример, по објавувањето на Индексот на транспарентност на политичките партии (2021), на веб-страницата е воведена посебна категорија (подмени) „информации од јавен карактер”, каде јасно се структурирани сите информации, како што се: листата на информации од јавен карактер, програмите на партијата и основните акти на партијата, финансиските извештаи, годишните извештаи и годишните сметки, релевантните закони за работењето на политичките партии, стои во извештајот на ИРИ.

СДСМ има максимален број на поени во однос на финансиската транспарентност и извештајот на донации каде целосно ги објавила информациите, стои во извештајот. Анализата на Индексот покажува дека СДСМ е единствена партија која регистрите на донации и извештаите за донации ги има објавено во отворен формат.

Интересно во овој извештај е што ДУИ има еднаква финансиска транспарентност како и СДСМ, односно овие две партии биле потранспарентни од Левица, а и од ВМРО-ДПМНЕ која се наоѓа дури на осмото место во инфографикот.

СДСМ има и најголема оценка и во однос на делот, комуникација со граѓаните- индикаторите ја мерат отвореноста на партијата, односно воспоставените механизми за електронска комуникација со граѓаните и членовите на партијата.

И во овој дел од извештајот ВМРО-ДПМНЕ е на осмо место, зад СДСМ и Левица.

На крај, логично се поставува прашањето: Дали ВМРО-ДПМНЕ крие незаконско финансирање на партијата, што предизвикува лошо рангирање на партијата во извештајот на ИРИ?