Курти бара ЕУ да го зголеми притисокот врз Србија

Премиерот на Косово, Албин Курти порача дека европските посредници во дијалогот меѓу Белград и Приштина треба да извршат притисок врз Србија, бидејќи, како што вели, српската страна не покажува доволно конструктивност, пренесува Репортерс.
Курти изјави дека на средбата на 2 мај во Брисел очекува итно решение на прашањето за исчезнатите лица, како што беше ветено во Охрид на 18 март.

Тој додаде дека министерот Елберт Красниќи го поканил менаџерскиот тим на состанок во врска со нацрт-статутот на ЗСО, но тие не одговориле.

Тој подвлече дека знаците од српска страна не се добри, но додаде и дека Европската унија треба „да се справи со тоа“.

„Барам веќе договорениот текст да се преточи во договор, што се однесува до Косово, се е јасно и гарантирано, но европските посредници би морале да извршат притисок врз другата страна. Знаците не се добри за конструктивност кога ние знаеш дека во Батајница, на масовните гробишта каде што нема плоча, нема белешка дека порано биле масовни гробишта, тој организира воена парада со српските криминалци од северот на Косово, како и со лидерот на сепаратистите и уништувач на босанските Срби, Додик. Овие знаци не се добри, но нема да можеме да се справиме со другата страна бидејќи немаме јурисдикција над Белград, тоа треба да го направи Европската унија“, рече Курти.

Министерот за администрација и локална самоуправа Елберт Красниќи денеска објави три одлуки на минатите влади за „Менаџерскиот тим за изработка на Статут на Заедницата на општините со српско мнозинство“.

Share on Facebook

Tweet

Follow us

Save