Курти: Министерот не може сам да се справи со состојбата во косовското здравство

Косовскиот премиер Албин Курти изјави денеска дека состојбата во косовското здравство е толку тешка што со неа не може да се справи само ресорното Министерство, јави дописникот на МИА од Приштина.

Курти изјавата ја даде на прес-конференција по денешната седница на Владата, на која беше одлучено да се формира извршна комисија за здравството, која што ќе ја раководи тој самиот.

– Јас нема да бидам министер за здравство, министер е Рифат Љатифи, меѓутоа состојбата во здравството е толку тешка што со неа не може да се справи само Министерството, изјави Курти, додавајќи дека тој раководи и со други слични комитети.

Курти информира дека се идентификувани главните проблеми во здравството, при што ја издвои „лошата комуникација“ на Министерството за здравство со Болничката клиничка и универзитетска служба на Косово и со петте комори на здравствените работници. (МИА)

Share on Facebook

Tweet

Follow us

Save