Курти: Нашите постапки не ги изненадија ни САД ни ЕУ, во постојана комубникација сме!

Косовскиот премиер Албин Курти изјави дека избори ќе има само во четири општини на северот на Косово каде што градоначалниците поднеле оставки, пренесува Газета експрес.
На прес-конференцијата Курти рече „дека минатата година се одржаа локални и републички избори и дека жали што на изборите ќе учествуваат општините каде што претседателите на листата на Српска поднесоа оставки“.

„Минатата година се одржаа државни и локални избори. Годинава се одржаа избори и во движењето Самоопределување. Изборите завршија. Нема повеќе избори“, рече Курти.

Тој додаде дека жали што сега ќе треба да се одржат избори во општините на северот на Косово каде што градоначалниците поднесоа оставки.

„Тие би можеле да го продолжат својот мандат, но овие оставки јасно водат до избори во тие општини“, додаде Курти.

На новинарско прашање дали тоа што не ги послушал советите на Соединетите Американски Држави и ЕУ значи дека се нарушени односите со нив, Курти рече дека ниту една постапка на Владата што тој ја води не ја изненади Америка ниту ЕУ, јавува Љајми.

„Ниту една наша постапка не изненади ниту еден американски или европски функционер, ние сме во постојан контакт со нив. Ние ги имаме САД како пријатели и партнери, така што пријателите и партнерите не ги пишуваат изјавите што ги цитиравте. Таков извештај, се разбира, нема. тоа е навреда за САД кои се демократска земја. Нашето партнерство со нив, нашиот сојуз со нив е сојуз заснован на вредности и цели со заеднички интереси. Одлуката ја одложивме еднаш, за еден месец и се договоривме дека ова е последното одложување“, рече Курти.

Тој додаде дека двапати неделно се среќава со американските и амбасадорите на ЕУ.

Share on Facebook

Tweet

Follow us

Save