Курти: Немаме пороблем со локалните Срби, туку со Белград што не се дистанцира од Милошевиќ и Путин

Косовскиот премиер Албин Курти изјави дека неговата земја нема проблем со локалните Срби во северните општини, туку со Белград, „кој не се дистанцира ниту од тогашниот Милошевиќ, ниту од Путин денес“, пренесува Коха Диторе.

Курти, исто така, коментираше дека Косово им понудило права на локалните Срби, дозволувајќи им целосна интеграција.

„10 од 38 општини имаат српско мнозинство, 17 отсто од членовите на општинските собранија во сите општини се Срби. Добро соработуваме и тие имаат министерства за заедниците. Сакаме интеграција на Србите во Косово. Овде имаме 4 проценти од српското население, но имаме и други малцинства кои сакаме да ги почитуваме. Сакаме да соработуваме со заедниците за да создадеме демократска република заснована на граѓани. Мислам дека не треба да има етничка поделба“, додаде Курти.

„Проблемот не е во народот на северниот сосед, туку во владата на Србија. Во никој случај со косовските Срби кои се интегрираат“, додаде Курти.

Share on Facebook

Tweet

Follow us

Save