Курти: Нема да се мешаме во изборите во Македонија!

Косовскиот премиер Албин Курти денеска во Скопје изјави дека неосновани се обвинувањата против Движењето Самоопределување за мешање во изборите во Македонија и посочи дека неговата партија не е ниту регистрирана како политички субјект во таа земја, пренесува Телеграфи.
Тој истакна дека движењето Самоопределување нема да учествува на изборите во Северна Македонија.

„Самоопределувањето не е регистрирано во Македонија. Имаме активисти, имаме функционери на нашиот политички субјект во Косово кои доаѓаат од Македонија, но овде (во Македонија) немаме формално регистриран центар за Самоопределување, така што ние како движење не учествуваме на локалните избори“, рече Курти.

На прашањето дали албанските политички партии треба да имаат свој кандидат за претседател на Македонија, Курти рече дека за тоа треба да одлучат граѓаните, но и политичките партии во таа земја.

„Желбата е да има најголемо можно учество на партиите на избори, бидејќи тоа придонесува за демократијата. Знаеме дека последниот попис на населението, вклучително и иселениците, ги покажа Албанците со процент од 29 проценти, ако не се лажам, а тие Се разбира, самите треба да одлучат дали меѓу нив ќе има кандидат и кој ќе биде“, рече Курти.

Share on Facebook

Tweet

Follow us

Save