Курти не е задоволен од нацрт-статутот за Заедница на српските општини

Косовскиот премиер Албин Курти изјави дека последниот предложен Нацрт за ЗСО е понапреден, но тоа не значи дека Косово е целосно задоволно од содржината, пренесува Дукаџини.
Курти посочи дека критиките во врска со нацрт-статутот на ЗСО ги упатил до специјалниот пратеник на ЕУ за дијалог меѓу Белград и Приштина, Мирослав Лајчак.

„Поради доверливоста на нацртот, не можам да зборувам за моите забелешки и критики, му ги пренесов на Лајчак преку Бисљими на 24 октомври, два дена пред нашата средба во Брисел. Тоа е уште еден нацрт, неспоредливо понапреден, но тоа не значи дека сме целосно задоволни, затоа и јас испратив мои забелешки и критики“, рече Курти.

Тој повтори дека понудил да се потпише само како дел од пакет, а не за посебен документ.

Share on Facebook

Tweet

Follow us

Save