INFOMAX.MK

Поранешниот владин функционер на Косово, Петрит Селими, изброил колку пати косовскиот премиер Албин Курти го споменал српскиот претседател Александар Вучиќ во неодамнешното интервју за Вечерни лист.

Од 4.000 зборови кои Курти ги кажал за време на интервјуто, Вучиќ е спомнат 21 пат, тврди Селими.

„Во интервју од 4.000 зборови за хрватскиот Вечерњи лист, Курти споменува: 21 пати Вучиќ, 18 пати Белград, четири пати НАТО, четири пати економија, два пати ЕУ, двапати САД, еднаш инвестиции, нула пати Советот на Европа“ – напиша Селими на Твитер, пренесува kosovo-online.

Косовскиот премиер Албин Курти за Вечерњи лист изјави дека претседателот на Србија Александар Вучиќ го нервира демократијата и дека Косово не се вооружува затоа што се плаши од Србија, туку е на стража поради српските воени бази, пренесува Косово онлајн.

Косовскиот премиер наведува дека „на северот на Косово имаат мирни и добри денови секогаш кога нема наредба од Белград за насилство“.

„Србите во Косово живеат многу подобро од Србите во Србија, но криминалците во Србија живеат многу подобро отколку во Косово. Гледате дека протестите на Вучиќ на Косово се насилни, а протестите против Вучиќ во Белград нема. Животот на Србите во Косово им го отежнува Белград, кој не им дозволува да се интегрираат. Луѓето кои не се интегрираат не живеат многу добро, а оние што се интегрираат живеат подобро. Но, Белград не сака тие да живеат подобро, тој сака на некој начин да ги храни тензиите и потенцијалот за дестабилизација“, вели Курти.

Talking of odd priorities. In a 4000 word interview for the Croatian Vecernji List, Kosovo PM Kurti mentions:
– 21 times Vucic
– 18 times Belgrade
– 4 times NATO
– 4 times economy
– 2 times EU
– 2 times USA
– 1 times investments
– 0 times Council of Europehttps://t.co/c8FZ8xeseo

— Petrit Selimi (@Petrit) July 26, 2023