Кутиите се поставени пред Зоолошка градина: Оставајте ги вашите предлози за имиња за лавчињата до крајот на неделава

Кутиите каде што може да ги оставите вашите предлози за имиња за трите лавчиња ќе бидат пред влезот на зоолошката до крајот на оваа недела.

-Вчерашниот ден беше радосен и за нас во Скопје ЗОО, но и за посетителите. Трите женски лавчиња беа пуштени во надворешното живеалиште каде што целиот ден го поминаа во игра со својата мајка, а посетителите имаа можност за првпат да ги видат, но и да дадат предлог имиња за овие три убавици. Кутиите каде што може да ги оставите вашите предлози за имиња ќе бидат пред влезот на зоолошката до крајот на оваа недела, а лавчињата може да ги видите во надворешното живеалиште на лавови спроти видиковецот од една страна и спроти волците од друга, велат од Зоо Скопје.

Share on Facebook

Tweet

Follow us

Save