КФОР делумно ја отстрани бодликавата жица во Звечан

Припадниците на КФОР денеска делумно ја отстранија бодликавата жица од улицата која води до општинската зграда во Звечан и пред самата зграда, но жицата остана од страната на Домот на културата, пренесува РТ Балкан.

Металната ограда се уште не е отстранета.

Бодликава жица и метална ограда поставија припадниците на КФОР еден ден по конфликтот меѓу нивните војници и граѓаните во Звечан. КФОР се уште е меѓу граѓаните кои протестираат и општинските згради каде се стационирани припадници на специјалните единици на косовската полиција.

Денот ќе го одбележи посетата на Приштина на специјалниот пратеник на ЕУ за дијалогот меѓу Белград и Приштина, Мирослав Лајчак, и специјалниот пратеник на САД за Западен Балкан, Габриел Ескобар.

Косовскиот премиер Аљбин Курти ќе се сретне вечерва со Лајчак и Ескобар, соопштија од кабинетот на Курти, додавајќи дека средбата ќе започне во 20:00 часот. Не се знае дали по Приштина, Лајчак и Ескобар ќе одат и на северот од Косово.

Во меѓувреме, директорот на Канцеларијата за КиМ, Петар Петковиќ, потсети дека полицијата на Курти пред точно една недела ги уапси Радош Петровиќ и Душан Обреновиќ од пред општината во Звечан и побара од претставниците на меѓународната заедница итна реакција и нивното ослободување.

Фотографиите и видеата направени тој ден јасно докажуваат дека Радош и Душан биле уапсени пред какви било немири во Звечан. Очигледно е дека Курти апси и прогонува невини Срби,“ истакна Петковиќ на Твитер, заедно со фотографии и видео од протестот на Србите во Звечан.

Србите веќе осми ден протестираат пред зградите на локалната самоуправа во Звечан, Лепосавиќ и Зубин Поток, барајќи косовските полицајци да ги напуштат општинските згради во кои влегоа насилно заедно со новоибраните градоначалници-Албанци.

Во Звечан, војниците на КФОР се уште се распоредени на пет раскрсници и во самиот град, што беше едно од барањата на Српска листа и на насобраните Срби, за косовската полиција да не поминува во близина на насобраните граѓани и да се предизвика инцидент.

Припадниците на косовската специјална полиција се уште се распоредени и на неколку места покрај главниот пат од Митровица до административниот премин Јариње. Нивното повлекување од северот на Косово е еден од условите за враќање на Србите во институциите во Приштина.

https://twitter.com/PetkovicPetar/status/1665620270453850112?ref_src=twsrc%5Etfw%7Ctwcamp%5Etweetembed%7Ctwterm%5E1665620270453850112%7Ctwgr%5Ed7fb53b5c6a6639428e99bfa7838f318b00177b1%7Ctwcon%5Es1_&ref_url=https%3A%2F%2Fmakfax.com.mk%2Fsvet%2Fregion%2Fd0bad184d0bed180-d0b4d0b5d0bbd183d0bcd0bdd0be-d198d0b0-d0bed182d181d182d180d0b0d0bdd0b8-d0b1d0bed0b4d0bbd0b8d0bad0b0d0b2d0b0d182d0b0%2F

Share on Facebook

Tweet

Follow us

Save