КФОР постави метални огради во Звечан

Припадници на КФОР во Звечан денеска поставија метална ограда на самата капија на основното училиште „Вук Караџиќ“, кое се наоѓа во непосредна близина на општината, јавува дописникот на Танјуг.

На овој начин, покрај основното училиште, беа блокирани и средното училиште и градинката.
Училиштата во северниот дел на Косово се затворени од понеделник.
Самата зграда на општина Звечан е опколена со војници на КФОР, чии контингенти се менуваат неколку часа.

Условот на Србите кои се собираат и протестираат пред општинската зграда е специјалните единици да се повлечат од четирите општини на север и новоизбраните градоначалници, Албанци, да не доаѓаат да работат во општинските згради.
Општинските згради во три општини на север – Лепосавиќ, Звечан и Зубин Поток – ги користат и работниците на Привремената управа на општината според српскиот систем, па нивната работа беше блокирана и со влез на специјални единици.

Share on Facebook

Tweet

Follow us

Save