КФОР спроведе вежба за спроведување на одбранбениот план на манастирот Високи Дечани

Баталјонот на Западната регионална команда на мисијата КФОР во соработка со унгарскиот резервен баталјон изведе вежба за спроведување на одбранбениот план на манастирот Високи Дечани.
Како што беше објавено на Фејсбук, вежбата овозможи да се подобри капацитетот за распоредување на единиците за брз одговор, како со возила, така и со хеликоптери.

„КФОР продолжува да го спроведува својот мандат врз основа на Резолуцијата 1244 на Советот за безбедност на ОН од 1999 година, да придонесе за мирна и безбедна средина за сите луѓе и заедници кои живеат на Косово и слобода на движење, во секое време и непристрасно“, соопшти КФОР.

Во соопштението се додава дека Кфор работи во тесна соработка со косовската полиција и ЕУЛЕКС во нивните соодветни улоги.

Share on Facebook

Tweet

Follow us

Save