Лавров: Полска покажува подготвеност за конфронтација

Москва ја гледа јасната подготвеност на Полска за конфронтација и останува да се види како ќе се развива нејзината надворешна политика под новиот претседател, изјави денес рускиот министер за надворешни работи Сергеј Лавров.

„Морам да нагласам дека и нашите белоруски пријатели и ние постојано забележуваме дека Полска не е насочена кон конструктивен дијалог, туку кон конфликт со нашите земји. Ќе видиме како тоа ќе се одвива под новиот претседател“, рече Лавров на прес-конференција по средбата со новоназначениот шеф на дипломатијата на Белорусија Максим Риженков, пренесува РИА Новости.

Според официјалните податоци од Националната изборна комисија на Полска, во вториот круг од изборите одржани на 1 јуни, кандидатот на опозицијата Карол Навроцки победи со 50,89 проценти од гласовите, додека кандидатот на владејачката коалиција, Рафал Чашковски, освои 49,11 проценти.

Share on Facebook

Tweet

Follow us

Save