Лавров: Oбвинувањата за вмешаност на РУСИЈА во инцидентот со дронот во Лајпциг е „почеток на вистинска војна“!

Рускиот министер за надворешни работи Сергеј Лавров денеска изјави дека обвинувањата упатени кон Москва од Западот за нејзина вмешаност во инцидентот со беспилотно летало на германскиот аеродром во Лајпциг претставуваат, „во суштина, почеток на вистинска војна“, пренесе државната новинска агенција ТАСС.

„Сите тие изјави на Мерц за повторно претворање на Германија во водечка воена сила во Европа – тие се спроведуваат во дело. Тој, всушност, ни објавува војна“, рече Лавров, мислејќи на германскиот канцелар Фридрих Мерц.

Германската влада на 1 септември соопшти дека заклучила оти Русија е одговорна за обидот за напад со беспилотно летало на аеродромот Лајпциг/Хале минатиот месец и нареди низа мерки како одговор, вклучително и затворање на конзулат и на руски културен центар во Берлин.

Русија ги отфрли германските обвинувања како неосновани, обвинувајќи го Берлин дека подметнал докази за да ја набеди Русија за нападот.

Share on Facebook

Tweet

Follow us

Save