Лажен полицаец измамил 84-годишна жена за над 4 илјади евра, и рекол дека нејзината ќерка предизвикала сообраќајка

Осумдесет и четиригодишна скопјанка останала без 261 илјади денари откако лажен полицаец и се јавил и и „продал“ приказна дека нејзината ќерка предизвикала сообраќајка, и доколку сака да не оди во затвор ќе треба да ја плати бараната сума.

„Вчера во 18.45 часот во СВР Скопје, 84-годишна жена од Скопје пријавила дека била измамена од едно лице за сума од 261.000 денари. Според пријавеното, лицето ѝ се јавило телефонски, се претставило како полициски службеник и ѝ кажало дека нејзината ќерка предизвикала сообраќајна несреќа во која прегазила дете и доколку не сака таа да лежи во затвор, требало да плати. Како што е пријавено, таа парите ги оставила на договореното место, но подоцна сфатила дека била измамена“, информираат од МВР.

Се преземаат мерки за расчистување на случајот.

Share on Facebook

Tweet

Follow us

Save