Лазов: На овие избори, да дадеме поддршка на чесните, на борбените, на непоткупливите!

Драги сограѓани, почитувани Кавадарчани

Во ова време кога довербата на граѓаните во политиката е разнишана, единствениот вистински одговор се луѓето што работат чесно, со срце и со став. Луѓе кои не се продаваат, не калкулираат и не се плашат да кажат што мислат.
Јас верувам дека чесноста не е слабост — туку сила.

Борбеноста не е инает — туку должност.

А непоткупливоста не е избор — туку начин на живот.

Во Советот на Општина Кавадарци ќе бидам глас на народот, не на интересите. Ќе бидам гласен кога ќе треба да се брани јавниот интерес, но и одлучен кога ќе треба да се спротивставам на неправда, корупција.

Кавадарци заслужува луѓе со чисти раце и чиста совест.

Луѓе кои не ветуваат за слика, туку работат за град.

Затоа, на овие избори, да дадеме поддршка на чесните, на борбените, на непоткупливите.

На луѓето кои навистина се борат за Кавадарци, за нашиот град, за нашата иднина. Затоа ве повикувам на 19 октомври да ме поддржете со заокружување на бројот.

Share on Facebook

Tweet

Follow us

Save